BUNDOKERONG (mananakbo)

Salamat sa Lumikha ng higit sa lahat. . .





 BUNDOKERONG . . .


"Umakyat Ka ng Bundok ng MAKABULUHAN at may DAHILAN, at maging RESPONSABLENG MAMUMUNDOK - Bundokerong Mananakbo"
 

Ano nga ba ang ibig sabihin ng gamit kong palayaw? Inisyal na papasok o yuswal sa isip niyo malamang ay, "Fun Runner?" "Marathoner?" "Trail Runner?" "Mountaineer?", o WALA LANG!!!  As in Waley, Deadmalu, hehe. Totoo naman kung babasahin mo lang ang Alyas ko o ang Palsipikadong pangalan ng blog ko,  iyon kaagad ang papasok sa isip mo, so ano naman ginagawa niya? Ay malakas yan, natakbo eh! Sa bundok pa, hindi lang basta sa patag, ahh malakas umakyat ng bundok yan, ahh papansin lang yan at kung ano-ano pa!

BUNDOKERO, unang una Mahal ko ang Kalikasan/Kalgubatan at Kabundukan, kaya ng magsimula akong umakyat ng Bundok maraming taon na ang nakalilipas, umibig kaagad ako at napa mahal sa taglay na ganda ng inang kalikasan, blah blah blah. . . . usyal na palaging naririnig sa mga Mamumudok na Kapatid natin, tama naman po, pero bukod sa pag papanatili ng likas na yaman ng Kabundukan, at pag iingat nito, ano pa nga ba ang SILBI KO? Napakaraming magagandang dahilan ang maari niyong isagot panigurado po ako, at paniyak mas maganda pa sa isasagot ko.

Kasalukuyan po akong miyembro ng isang grupo, na nag babantay at nangangalaga at tahimik na nakikipag laban sa pag babalik Yabong, at Pagpapanumbalik, Pagsasa-ayos ng Kabundukan, partikular sa Sierra Madre! Bakit ko nagamit ang salitang "laban?", ipag paumanhin niyo napo ha, alam kong hindi lang sa Sierra Madre ang Labis na nabubugbog na Bundok, nasasalaula, nakakalbo, nasisira, at darating sa puntong magiging isang nakaraan nalamang ito! Isang bagay na ayaw nating mangyari, ang hindi na maabutan ng ating mga anak o apo, at lalo na ng mga susunod na lahi o henerasyon ang Kalikasan at Kabundukan . . .

Alam ko hindi madali ang kinakaharap ng Bawat Mamumundok na tahimik na lumalaban sa gantong aspeto, maniwala ka sa sasabihin ko, marami napong nawalang buhay sa labang ito, at patuloy pang dumarami,.. Bakit? Malakas ang kalaban, ni miultimo ang ahensyang dapat mangalaga dito at Lokal na Gobyerno ay walang magawa? Bakit? uhm. . . . Bakit kaya sa tingin mo? Malamang MALAKAS ang nababangga! Pera-Pera? Dalangin ko lang po matapos na at masulusyunan ang lahat ng Problemang kinakaharap ng mga Kabundukan at Kagubatan natin, at mangyayari po  iyan, kung ang bawat Mamumundok ay mag tutulong tulong, kasama ang mga inihalal na TOTOONG nagmamalasakit! Mahirap, OO, pero kayang masulusyunan yan!!

Nang simulan kong akyatin ang Bundok Maranat, dito lang sa Norzagaray, Bulacan. Huling Lingo ng Pebrero Dos-mil Trese! Halos lingo-lingo na po akong napanik dito, napanik mag-isa, dayhike o overnight, minsan nightrek, ilang beses napo akong naligaw, tatawa lang ako, isang dahilan kaya ko nalaman ang 5 sa 6 na daan dito, mga daan ng lokals, ng mga Mamumundok, at ng mga Hayop sa lugar mismo. Ibang Klaseng Bato-Balani ang binigay sa akin ng Maranat, dahilan para i-organisa ko ang kauna-unahang Outreach sa Camp Site mismo ng Bundok Maranat, kayla Tatay Nestor! Sa halos Lingo-lingo kong pagpanik, inalam ko napo ang mga kailangan ng mga lokals dito, kung sino at ano ang aking dadatnan, inalam kung ilan ang bilang ng mga bata, at kanilang pamilya, kung Dumagat ba ito o Kalahati o hindi na, kung kulot paba ito o unat na! Sa Paligid ng Sierra Madre napakarami ng nagaganap na Outreach o pagtulong at pagbibigay, hindi lang sa Maranat, kundi sa Paligid at sa ibat-ibang Kabundukan pa o Kapatagan... Maraming Grupo na po ang nag simulang mag abot ng tulong at pag-asa . . .
Naway hindi sila magsawa, hindi kami magsawa, bagkos lalo pa po kaming madag-dagan...

Sa totoo lang maraming hindi nakakaunawa ng aming ginagawa, buhay na saksi po ako sa mga nagtatanong na bakit daw namin ginagawa ito, ano daw ang makukuha dito, at paano daw po simulan ang gawaing ganito? Sa paglipas ng panahon unti unti nilang nasasagot mismo ang kanilang mga katanungan. Naway makasabay at makasama namin kayo sa mga ganitong Adbokasiya.

Nagsilbing inspirasyon sa akin ang mga nakakasalubong kong lokals na may bitbit na sako-sako ng uling, mapa bata o matanda, nakakalungkot... dahil naubos ang mga Puno.. at ang mga bata sa murang idad ay nag ta-trabaho ng p80 kada sako ng panahon na iyon. Sa ngayon kasi p100-120 na kada sako, depende pa kung tag-ulan o tag-araw! Ang magiliw na pagbati ng mga Magulang nila habang bitbit sa noo, hangang likod ang bilang ng mga sako... ANO ang Magagawa ko para dito? Paano ako makakatulong? Saan? Sugpuin? Pigilan ang Pagpuputol? o Hanapan sila ng Alternatibong Pangkabuhayan? Saka gawing Pangmatagalang Solusyon? . . . Pwede diba? 

Kasama ko ang aking Mother Team na "Xtreme Trekker Mountaineering Society Inc." (Xtmsi). S.E.C Registered po kami (SEC NO. : CN 200302147). Hindi na ako nahirapang kunin ang loob nila ng maipaliwanag ko ang plano ko. Ng mga panahong yun, ako po ang tumatayong VP ng 12 Year Old Team! sa edad kong trenta y sinko ako pa po ang isa sa pinaka bata sa Team. hehe . . . 

Matagumpay pong naganap ang Kauna-unahang Outreach Climb sa Camp Site mismo ng Bundok Maranat, kayla Tatay Nestor, sa halos Dalawang Buwan kong linguhan panik dito, hindi pa ganun karami ang napanik nun, 12 na kaming pinakamarami nun, mga naabutan kong Mamumundok din at Environmentalist . .  Kap Avol, Kap Edwin, Kap Isko, Kap Aras, at iba pa...  Malugod nilang tinanggap ang Alok kong mag Organisa ng Outreach Climb para sa  mga Dumagat (o hindi man) at sa Mga Lokal na Tao sa Lugar, at sa Tatay mismo! Simula nun, nag kasunod sunod na po ang Outreach Climb sa Lugar, sa Paligid at ilang parte ng Sierra Madre, partikular sa Karahume, Sa Ilas, Sa Inuman, Sa Balagabag (San Isisdro) at iba pa. Noong mga panahon na yun hindi pa Akyatin ang Bundok Maranat.  Hulyo nung isang taon pumutok ang Panik ng Maranat . .  hangang sa dumami na huling sangkapat ng Taon (2014) !

Bundokerong Mananakbo - - - Bundokero = Umaakyat po ako ng hindi lang basta makita ang Ganda ng Inang Kalikasan, Hindi lang po ako Umaakyat ng Bundok para sa mga Bagong Gamit pamumundok (na wala naman talaga ako, ukay maari pa!) Umaakyat po ako ng Bundok ng may DAHILAN . . . Gawin nating MAKABULUHAN ang BAWAT Panik at Akyat nating ng Kabundukan. 

Para Makatulong sa Kalikasang Unang una, sa mga Lokal sa Kabundukan, Bukod sa Ehersisyo sa katawan, stress buster nga po sa trabaho dahilan ng marami, maging ako. Hindi po natin mapipilit ang ilang naakyat ng bundok kung gusto lang nilang mag liwaliw, o pa piktyur lang, maging maingat at bukas lang. LNT lang po. . .  LEAVE NO TRACE . . . (ano yun?)
Matututunan at Malalaman din ng iba ang dahilan at rason, sa tamang panahon.

"Umakyat KA ng Bundok ng MAKABULUHAN at may DAHILAN, at maging RESPONSABLENG MAMUMUNDOK - Bundokerong Mananakbo"


 
Maraming Mountaineering Group po ang nagsasagawa o nangangasiwa ng BMC (Basic Mountaineering Course), para sa mga wala pa. . . mayroong may Bayad, mayron namang wala o libre, hanap lang po at tanong sa FB at ilang sites, pinag tatalunan pa po yan ng marami kung Dapat pabang mag BMC o Hindi na! Ano sa tingin niyo?

 

Food Feeding, mga Damit Kasuotan (luma o bago) basta naisusuot pa at nagagamit, mga BINHI na maaring itanim sa lugar na pag darausan para sa Tree Planting, (native ba ito o indemic  atbp.) Gamit sa Iskwela o Iskul Supplies, Tsinelas, Pansapin sa paa, na magagamit nila. Gamot, Medisina at Bitamina, para sa mga lokals ng Kabundukan, para sa kanilang mga Anak, Sangol at sarili.
Kung may mga Available na Duktor, Grupo ng mga Duktor, Dentista at iba pa.
Isang nakakalungkot na katotohanan, mas masigasig po tumulong ang Banyaga kaysa sa ilan nating Kababayan. Ganun po siguro talaga. Hindi bale at least may mga Kababayan tayong napaka laki ng kontribusyon na ayaw ng pabanggit ng pangalan, TAOS PUSO po kaming nag PAPASALAMAT . . . PAGPALAIN po Kayo ng Poong May Kapal. . .


Salamat sa Bathala ng Kalikasan at sa Lumikha, sa Patuloy na lakas na pinag kakaloob sa akin at sa Mahal ko sa Buhay, mga Kaibigan at Kapatid. . . Padayon!



Napakarami na pong Grupo ang nag-Oorganisa ng mga Outreach Climbs, Climb for a Cause, at iba pa, Hindi lang sa Sierra Madre, kundi sa buong Kapuluan, Kabundukan, Kapatagan, Siyudad at sa mga Lugar na nangangailangan ng konting tulong o kalinga.. Konti nga ba!? . . .

TARA USAP Tayo . . . (Tito Boy Abunda)
MALIIT na BAGAY . . .(Aling MAliit)


Pagpalain po Tayong Lahat ng Bathala ng kalikasan, Maraming Salamat po, Padayon!


Aktibong Miyembro ng:
Xtreme Trekker's Mountaineering Society Inc. (xtmsi) - (SEC NO. : CN 200302147)
Omeng Sandoval x-057 infinity ( bundokerongmananakbo )
Sagip Kagubatan
Kapatid Maranat








qlyyanina@hakilina
impinidad 

YOLANDA: NAGA pa-TACLOBAN (duha)

Salamat sa Diyos...



YOLANDA: Naga, Pa-Tacloban, Pagda-dagdag ng Paketeng dadalhin at paghahanap ng masasakyan patungong Kabisayaan! Ang 6 wheeler na dala namin buhat Pasig naging 10 Wheeler sa tulong ng mga Bicolanos! Re-Packing, Karga-dito, Karga doon ang sistemang inikutang sistema ng Grupo doon..



Ikalawang Kabanata;

Natapos din ang aming matagal na pag himpil sa Naga City, eksayted ang Bawat isa sa aming tumuloy na ng Tacloban, sa Barge na masasakyan kami nag ka problema, walang masasakyan patawid sa kabila.

Alas kwatro ng madaling araw, halos hindi na nakatulog ang grupo, handang handa ng tumulak pa Tacloban matapos ang ilang araw na pamamalagi dito. Eksayted na ang lahat medyo kinakabahan na din, halo ang nararamadaman, umalis ng JMR Coliseum at naglakad ng halos Dalawampung Minuto, patungong ABS-CBN Naga, Nakakatuwa nadagdagan ulit ang mga bitbit namin pagdating sa istasyon, marami pong Salamat.

Madilim palang nauna na sa amin ang mga kasundaluhan na i-eskort kami patungong Pantalan ng Pio Duran, para ligtas kaming makarating sa lugar , mahigit tatlong oras na biyahe patungong pantalan.

 

 ABS CBN Naga - MOR 93.5 Station.

 

 Katabi ang mga Kasundaluhan na umeskort sa amin

                            Nakaka-kaba sa una, pero di nag tagal naging panatag na din kami

                           Napakadilim ng paligid, alerto ang mga Sundalo sa Kapaligiran.

Sa haba ng biyahe, mahabang katahimikan ang bumalot sa kapaligiran, wari nag mamatyag at nagpapakiramdaman ang bawat isa, lalo na ang mga kasundaluhan, Sa tinutumbok na daan ng biyahe ng Sasakyan ay delikado daw, talamak ang Balita ng mga panahon na iyon ang pag harang sa mga Relief Trucks na papuntang Pantalan, kaya lahat ay alerto, sa pagod ng katawan at sa layuning magkaroon ng sapat na lakas sa pag putok ni Haring araw, unit-unti kaming na idlip sa mahigit tatlong oras na biyahe! Salamat sa mga Sundaling umalalay sa amin at tumulong! Muli ang taos pusong pasasalamat namin sa inyo! 

Ala Una ng Hapon bumiyahe na kami, umalis ng Pantalan ng Pio Duran patungong Tacloban via LCT Lily Princess

                          alas siyete kwarenta y kwatro  ng umaga dumating kami sa Pantalan.

 Ilang oras nalamang at masisislayan na po namin ang Tacloban, pag baba sa Pantalan ng Pio Duran, agad na ibinaba ang mga gamit, isinasaayos. Handa ng ikarga ang Truck namin sa Barge, bitbit ang dalangin at at pag asang maraming matulungna ang Grupo at ibang grupo na kasabay namin!

    

                    

                  Ito po kami sa Barge, Munting ispasyo para sa amin sa aming Bitbit na Truck!


                                    

Dumating ng alas dos y medya ng hapon ang sinasakyang Gabara (Barge) ng Grupo sa Pantalan ng Tacloban, hinihhintay ang Clearnace mula sa Philippine Ports Authority na makadaong ang sinasakyan namin. Malayo palang tanaw na ang animoy Arko na Tulay ng San Juanico, ang sabi pa sa amin ng kasama namin sa Barge, bawal daw ang tao sa Tulay, pero malayo palang tanaw na naming napakaraming tao ang nag aabang ng kung ano, malamang mga sasakyang pandagat o pang himpapawid na patungong Tacloban, nagsisigawan sila at nag papalak-pakan, lalo pa ng dumaan na kami sa ilalim ng tulay, nagtatakbuhan sila patungo sa direksyon na tinuturo naming puntahan nila.

 Malapit sa pantalan ng Tacloban... makikita mo sa kaliwa mga Islang winasak ni Yolanda, maraming taong naka-abang, nag tatalunan. Mga sulat sa lupa o semento na tanaw mo mula sa Barge, na nagsasabing "HELP" . . . Lahat kami sa Grupo ay na-tahimik na naka masid, sa loob ng 10 minuto wari nagkaisa kaming hindi kumibo, malaya naming tinignan ang mga nakikita ng aming mga mata, pag kaawa, at lungkot ang aming nararamdaman, wasak na Isla, sirang mga kabahayan, istrakruta, gusali, taniman at mga pangarap na wasak . . .

San Juanico Bridge

                                       

Malapit na, Yan kami Res-Q-Wrkx (Conquer)

May sumalubong sa amin, dalawang bloated na katawan na bumangga sa Gabara, na buong akala namin palutang-lutang na troso lamang, isang nakatihayang namamagang katawan, na malalaman mong tao dahil sa kamay na naka-angat . . . ilang minuto lamang ang nakalipas isa pang inaakala naming troso ang papalapit sa Gabara at babangain muli, isang nakataob na namamagang katawan na buhok nalang halos ang pag kakaka-kilanlan . . . 

Naalala ko pa, pinahanda na sa amin ang Maskara, at mga gwantes, ng matanaw na namin ang Isla, ang kasama kong malaki katawan sa bandang kaliwa ay nanlambot ang tuhod sa nakita, saglit siyang naka bitaw sa pagkakahawak sa bakal, sabay bulong, "hindi ko yata kakayanin ang gagawin natin..." . Sinabi ko nalang, "relaks nandito na tayo, at nagkaisa tayo sa mga dapat nating gawin at hangarin! Dasal kalang Kapatid, makakaya natin ito . ."
 
Heto na po kami Mahal na Tacloban, parating na kami, kahit papaanoy, makakatulong at makapag bigay ng kahit konting ngiti, sa inyong mga Labi . . . at kahit papaanoy, pag-asa, na nandito kami.. nandiyan si Big bro. .. Salamat sa Diyos.
 

Sandali nalang

Nakalutang ang Gabara mga ilang Kilometro Tanaw ang Pantalan ng Tacloban, wari isang eksena sa pelikulang "I am Legend o Zombie Land", tanaw sa kinalalagyan namin ang dalawang helicopter na paikot ikot sa Isla mistulang may hinahanap o tinitignan, ang luha ay nag simulang gumilid sa aking mga mata ngunit pinilit kong magpaka tatag sampo ng aking mga kasama sa Grupo, halong kagalakan at pagkaawa ang aming nararamdaman ng mga oras na iyon, wala kang maaninag na maayos na establisyemento, lahat ng gusali at kabahayan ay pawang wasak at sira, maliban sa isang gusali na kulay asul na matatag na nakatirik sa kabila ng wasak na kapaligiran, ito ay ang Simbahan ng mga Kapatid sa Iglesia.

Sa mga gusto pang makita ang iba pang Larawan, paki check niyo po ang Facebook page link na ito!

https://www.facebook.com/rommel.c.sandoval/media_set?set=a.10200360662618361.1073741863.1808874435&type=3


TEAM RESQWORKS-CONQUER

Team Leader: 
Jonnel Ong lacaba

Team:
Joel Gayoso
Gutierez Grey
Peter John Andaman
Marlon Prudente
Erwin Manes
Angelo nagara Palomo
Toto Ramos
Omeng Sandoval


 * Dagdag sa grupo Mula Naga:
Grace lim ( Vanessa )
Kuya Lito
 - mayroon silang Pamilya na Nasalanta sa Tacloban na buong linggo silang walang balita, nakiusap na sumama sa grupo namin sa pagpunta sa Tacloban, at bilang kapalit tutulong daw sila sa Reapcking na ginagawa namin ng mga panahon na iyon.

Koi Grey - Hindi na nakasama, gawa ng may Karera siya ng Sabado, araw ng pagtulak namin pa-Tacloban. Salamat Kapatid, naipanalo niya ang Karerang nilahukan. Alay Para sa Tacloban. 

*** Grupong Nabuo mula Pasig Hangang Naga City.

si Yolanda - http://en.wikipedia.org/wiki/Typhoon_Haiyan

Mga Susunod:

YOLANDA: Tacloban, Pa-Guian Eastern Samar, preparasyon ng pagtulak pa Eastern Samar, ang nakakalungkot na Mukha Mula Tacloban biyahe patungong Guian Eastern Samar. Pag bibigay kahit papaano ng konting Pakete sa mga nadaraanan, mahal sa buhay ng isang miyembro sa Team at iba pa.

YOLANDA: Guian E.Samar patungong Homonhon Island, ang paghimpil ng Grupo ng ilang araw sa Guian E.Samar, ang pagtulong sa amin at pag ampon ng CARD Group na ang layunin din ay ang Tulungan ang kanilang kababayan, pagtulong at paghahanap ng masasakyan pa Isla ng Homonhon!



Para saiyo ito...
qlyyanina@kumander
impinidad

BUNDOK MARANAT (dos)

Salamat sa Lumikha Higit sa Lahat. . .



Matagal tagal nading hindi nasundan ang huling post ko patungkol sa Bundok Mara'at (dahil sa bundok na ito, makikita ang mga damong, napaka-kati), o Madaat (tawag ng mga naunang Dumagat sa lugar na ito). Bago pa sila tuluyang mapa-alis ng mga Unat sa kanilang tahanan!

Lalong dumami ang pumanik sa naturang bundok na ito, marami nading mga nag conduct ng Outreach Climb o Climb for a Cause, partikular sa ibat-ibang parte ng Sierra Madre, na kinapapaluoban din ng Bundok Balagbag, Bundok Maranat, Bundok Oriod at iba pa, sa mga hindi nakaka alam parte po ng IPO Watershed ang Maranat, iyan mismong Falls, na napag kakamaliang Oriod Falls ng marami, mali po iyan po ay Maranat Twin falls, ang tubig na nang gagaling diyan ay nag mumula sa Oriod, napakalayo po ng Bundok Oriod sa Maranat! Ang iniinom na tubig sa Kapatagan ay galing sa Ipo Dam, Water Shed! Kwentuhan tayo sa Taas, pag nag pang abot tayo!
Larawan sa Kanang Itaas - Bouldering sa Maranat kasama Ang Sinag.


Dagdag kaalaman lang naman po ang maibibigay ko, panik po kayo sa Taas, sa Camp Site, at malamang makita niyo po ako, sampo ng aking mga kasama na palagiang nasa Mahal na Maranat! Kami po ang Aktibong Kapatid Maranat, at Sagip Kagubatan... Tahimik na tumutulong sa nag hihingalong Maranat - Bakit? Dala ng Pag puputol ng Puno, Kaingin (dahil nauso ang mga Grill bar hehe), at iba pang bagay na lubos na nag sisira ng kabundukan, partikular sa Sierra madre! 

Alam ko naman pong hindi lang sa Bundok na ito nagyayari ang mga ganung insedente, halos lahat ng Bundok may mga ganyang problema, at tayo bilang Mamumundok, responsibilidad nating tumulong sa pag babalik ng kayabungan ng Kagubatan at Bundok, kung ikinokonsidera mong Mamumundok ka, tututlong ka sa pag sasa ayos ng mga Mali, Kung totoong nag mamalasakit ka, makikiisa sa mga programang nakalatag para matulungan ang nag hihingalong Maranat . . .

Larawan sa Kaliwang itaas, Tanaw ang Maranat Twin Falls mula sa Trail pababa mula sa Huling Guho.

 Pwedeng Camp Site , pagbaba lang ng Aras Camp, bandang Kanan papuntang Falls mula sa Kubo.

                                        Malapitang Silip ng Twin Falls ng Maranat

Tanong nga ng Bunso kong Pamangkin na babae, ilang buwan na ang nakalilipas, "Tito, dapat po ba ganyang kagaganda ang damit mo para maging Mountaineer? bakit ikaw walang ganyan?" pinapatungkulan niya ung mga larawang nakita niya sa album ko, Branded na gamit, kasuotan at iba pa... Sumagot ako ng maayos, "Mahal ko, wala kasing pambili ang Tito ng ganyan, kaya wala ko ng mga gamit na ganun! pang ukay lang ako." sa murang idad na 7, masyadong kumplikado kung ipapaliwanag ko sa kanya ang detalye! pero sapat na iyon para mapa-oo ko siya! Darating ang Panahon siya na mismo ang sasagot ng  Tanong niya!

    Ako po yang naka Bughaw, na may Taling Pula sa buhok - Secret Falls ng Bundok Maranat

                              Ito ang Tinatawirang Ilog kapag Banayad at Payapa ang Ilog

Hindi naman po talaga natin masisising dumami at darami pa ang papanik sa Bundok Maranat, napaka ga-gandang Falls, lalo pa kung nalibot niyo lahat hanggang dulo, Bouldering, yung Kwebang Bato sa Dulo na may Falls. 

             Dulong Falls ng Maranat, pag akyat sa taas niyan ung Kwebang Bato na Falls din.

                             Isa pang Falls, Boulder pa-paitaas ang Twin Falls ng Maranat.

                                          Mini Falls sa Loob ng Secret Falls / Jacuzzi

                                    Ang Larawan ng Bundok Maranat is Toxx (Tuko)

Ang mga Trails, para po sa kaalaman ng marami, may 5 - 6 na daan po papuntang Maranat (sa Camp Site, kubo ng tatay Nestor), And paboritong daanan ng mga perstaym sa Maranat, na dadaan sa Barangay kay Hepe Bong, yan po ang "Traditional trail". Trail na madaraanan si Ate Julma, patungong Nursery at ang huling hinto ay sa Guho, na kung saan tanaw na ang Camp Site.

Isa sa mahirap at Medyo delikadong Trail ay ang "Sirko Balentong Trail", sa pangalan na mismo makukuha, pihadong sisisrko at babalentong ka! Hindi maipapayong daanan ito kapag maulan. Sa Kapatid Maranat ang Paboritong dumaan dito kahit gabi ay si Kap Chet, ang tagos nito ay sa Ilog na, ung falls sa bandang kaliwa bago ka bumaba ng ilog sa Zipline area.

                                  Kapag Banayad si Maranat ganyan kaganda ang Ilog

Sumunod ay ang "High-Way Trail", mabilis ang daan na ito, mas magandang tanawin ng Dam ang makikita mo kapag dumaan ka dito! napakalawak ng mga makikita mong Trail, sa mga Trail Runner, mainam itong pag-ensayuhan niyo.

Sumunod ang "Papaya Trail", ang mga Lokals at mag uuling ang nagpangalan dito, nakaktuwa sa Trail na ito wala kang makikitang Puno ng Papaya! haha, ikwento ko sa inyo dahilan! Sa likod ni Toxx Wood o kulungan ng mga manok na ang labas niyo rito.

Sumunod ang "Tung-Tong Trail", kadalasang dinadaanan ito ng mga palagi ng umaakyat ng Maranat, short-cut po ito, tawag pa ni Kap Edwin, may lugar sa Trail na yan na tinawag niyang "10 Minutes Trail" . . . mas mabilis po kasi yan, ang tagos mu na ay sa tindahan na ni Ate Julma!

Yoong isang Trail ay wala pang tawag, dipa napapangalanan ng mga Lokal's o Mamumundok na palagiang napanik sa Maranat. May Daan pa po sa Karahume, at ang Balagbag-Loop - ang orihinal na Loop ay kakain ng 5 - 6 na oras, pero kung sa Falls ang Tagos mo kaya ng  2- 3 Oras mula sa Balagbag! depende sa bilis mo.

                                            Takip Silim sa Bundok Maranat

Napakaganda po ng Kabundukan, sana poy sama sama tayong , magtulungan sa ikaka unlad at pag papanumbalik ng dating Ganda, Yabong, at Sukal nito, alam naman nating Mahirap.. dahil may seryoso tayong mababangga sa Patuloy na Tahimik na pakikilaban ng Grupong Kapatid Maranat at Sagip kagubatan! Kwnetuhan tayo sa Taas, para sa mga detalye at sa mga bagay na nais niyo pang malaman!

Pinaka bagong update:

Matagumpay na naakyat ni Pinoy Mountaineer himself Dr. Gideon Lasco, kasama ang mga Kapatid na sila Kap Daryl, Kap Koi at Coby. - Awareness Climb . . . Inasikaso naman po sila ng mga kapatid sa taas, Kap Edwin, Kap Chet at Tatay Nestor Mismo, at iba pang naroon sa taas ng araw na yun! nitong Oktubre 17, 2014, biyernes.

Matagumpay din po at ligtas lahat ng kasali sa ibent na Dayhike ng Grupong "Malaya (International Outdoor Group)", nitong Oktubre 18, 2014, sabado, na pina ngungunahan ni Kap Danilo Candelario. Mabuhay po Kayo!






Sa mga Balak masilayan ang Ganda ng Mahal na Maranat, makatulong po sana itong mga impormasyong ito:

*Mula SM Fairview - Sumakay ng Jeep o Bus na Sapang Palay o Tungko Mismo - p15 - p18. baba ng

*Tungko (palatandaan Jollibee o BDO Bank) o Palengke, Maglakad papuntang Licao-Licao Jeep Terminal - p28 hangang Licao-Licao.

*Licao-Licao Terminal ... pwede kayong Mag trike hangang San Isidro Iskul (Barangay) o TungTong (mini palengke- shortcutt) - p30 isa.

*sa Barangay San Isidro Iskul - Log-In --- p10 bawat isa.  (2-3 oras ang Trek Mula rito)

Sa mga nais kumuha ng Guide o Porter, maari po kayong makipag ugnayan sa Barangay si Hepe Bong po ang Mgbibigay sa inyo ng Guide. o maari namang sa Licao-Licao mismo sa Bilyaran, ung tindahan doon, nakatira si kap Edwin - (Chairman namin sa Sagip Kagubatan), maari kayong mag patulong mag-pakuha ng Guide o Porter.
Uulitin ko po, kung maabutan niyo kaming mga Kapatid Maranat o Sagip Kagubatan sa Trail o sa Licao-Licao, LIBRE PO namin kayong igigiya papuntang Maranat!

Kapag wala po kami, ang mga Bantay Kalikasan (binubuo ng Half-Dumagat), po ang makukuha niyong Guide, mga naka Dilaw na damit po sila.. ang alam ko po ay - p300 - p400. Ang kanilang singil, Guide and Porter, makipag usap nalang po kayo.


Maging RESPONSABLENG Mamumundok lang po tayo. . .
"Don't Let our Forest become
 once upon a time!"


qlyyanina@hakilina
impinidad

YOLANDA: NAGA pa-TACLOBAN (usa)

Salamat sa Diyos...

Naipakilala ko napo sa unang bahagi ang grupo kahit papano, mas malalim niyo pong makikilala ang bawat isa sa talaarawan na ito, at ang aming Operasyon noong isang taon. Bago pa mag anibersaryo si Yolanda mai-post ko na itong Ikalawang Bahagi!  

YOLANDA: Naga, Pa-Tacloban, Pagda-dagdag ng Paketeng dadalhin at paghahanap ng masasakyan patungong Kabisayaan! Ang 6 wheeler nadala namin buhat Pasig naging 10 Wheeler sa tulong ng mga Bicolanos! Re-Packing, Karga-dito, Karga doon ang sistemang inikutan ng sistema ng Grupo doon..



Ikalawang Kabanata:

Ikalabinganim ng Nobyembre dos-mil trese, patuloy ang bagsak at dating ng mga Relief Goods, ibat-ibang pakete nagmula sa buong Kabikulan, nakakataba ng puso at nakakatuwang isipin ang pagtulong ng bawat isa, mahirap o may kaya, sunod sunod po ang pag buhos ng mga tulong, hindi na namin alintana ang pagod at hirap, ang mga kargang pakete ng 6 Wheeler Wing truck namin ay dinis-karga at inal-was ang laman, laking pasalamat namin sa sobrang dami ng mga tulong, ang 6 wheeler na Truck na dala namin mula pa ng Pasig ay naging 10 Wheeler Truck na!  Salamat po!

 

Sunod-sunod na buhos at dating ng mga Tulong Biyaya para sa mga nasalanta .

 

                            Diskarga at Karga ang Palagian naming ginagawa sa Naga.

                Mga Delata, Bigas, de-botelyang Tubig, Nudels, mga personal at pangunahing pangangailangan ng ating mga kababayan sa Kabisayan, ang patuloy na bumabaha sa Naga!

Laking pasasalamat namin, dahilan para lalo po kaming ganahan at mag pursigeng tumulak na papunta ng Tacloban at ibang parte ng kabisayaan! Ngunit kailangan pa naming mag hintay, paparating palang ang Grupong RED TAG, SAR Team ng Kabikulan na nauna sa amin ng isang Linggo sa Tacloban! HIntayin namin ang pagdating nila, upang malaman namin ang pinaka huling kaganapan sa Tacloban, at ng malaman din namin ang dadatnan at masusumpungan ng Grupo pag lapag namin sa Tacloban. Para mapaghandaan namin at ng mabatid namin ang kailangan! Mapag planuhan ng maige ang gagawin.
Larawan sa itaas: Ang ilang silid at kuwarto sa JMR Coliseum, ay ginawang tambakan ng mga pakete, maraming silid ang ginawang  re-packing area, sa tulong ng boluntaryong mamayan ng Naga, at boluntaryong estudyante ng ilang High School.

  

 

Ilang pasilidad sa JMR Coliseum, ay pinag-lagakan ng mga damit, pinipili at nilalabhan para muling ibalot, nakakatuwang katwiran nila, mas mainam na isuot na nila ito kaagad, mabango at maayos! wala na ngang makain , wala pang maisuot!

de-botelyang tubig, ilang sakong bigas, mga delata ang nire-repack sa silid na ito, isang Values Teacher (naka dilaw), ang nangunguna sa pag sasaayos!

 Pagtapos ng maghapong buhatan, ipapatawag upang mag pulong, nakaresib na ng pinaka huling balita buhat sa Tacloban, isang araw nalamang ay dardating na ang Grupong RED TAG (SAR), kaya kailangan na naming ihanada ang kung ano pang dapat ihanda!
 Larawan kuha sa Loob ng Opisina ng RED TAG sa JMR Coliseum.

  
Pag hihiwa-hiwalay ng mga personal na gamit, na ipapamigay din sa Tacloban, mga toothpaste, toothbrush, shampoo, sabon, ibinabalot muli at nilalagyan bawat paketeng ipapamigay!

Larawan kuha sa loob HQ ng RED TAG (SAR ), sa JMR Coliseum.

Si Hadil Adnan, Egyptian RN, na naka base sa Naga, mag isang nilalabhan ang mga Damit na binabagsak ng araw na iyon, ito lang daw ang kanyang maitutulong, kaya ng niyaya namin siyang sumama sa amin sa Tacloban, mabilis niyang nasagot ay "oo, Masama aku ah!" , matatas siyang mag Bicol at mag ingles, pero tagalaog hindi!

  Inabot na ng Gabi ang Buhatan, mga Sako ng bigas na ire-rapack, pahinga isang araw nalang tutulak na kami ng Tacloban! kaya pinag hahandaan na po lahat!

                                            Kap Chad Grey at Ako, Selfie sa SM Naga

Chin Po Tong Volunteer Fire Brigade Inc. Tumulak din po ang Grupo nila sa Tacloban, pabalik palamang ng Bicol ng mga panahon na iyon!

 

 Sa Paanan ng Bundok Isarog, Hot Spring, libre kaming naki langoy, isang araw bago tumulak ng Tacloban.

 Mga huling araw namin sa Naga, bago tumulak ng madaling araw, may sumama sa amin para ikutin kahit papaano ang kagandahan ng Bicol! Maraming Salamat po! Bak-bakan na po ang sususnod na Bahagi! natuloy nadin ang pag-sulong sa Tacloban.

Sa mga gusto pang makita ang iba pang Larawan, paki check niyo po ang Facebook page link na ito!

https://www.facebook.com/rommel.c.sandoval/media_set?set=a.10200360662618361.1073741863.1808874435&type=3

TEAM RESQWORKS-CONQUER

Team Leader: 
Jonnel Ong lacaba

Team:
Joel Gayoso
Gutierez Grey
Peter John Andaman
Marlon Prudente
Erwin Manes
Angelo nagara Palomo
Toto Ramos
Omeng Sandoval

 * Dagdag sa grupo Mula Naga:
Grace lim ( Vanessa )
Kuya Lito
 - mayroon silang Pamilya na Nasalanta sa Tacloban na halos isang linggo na silang walang balita, nakiusap na sumama sa grupo namin sa pagpunta sa Tacloban, at bilang kapalit tutulong daw sila sa Reapcking na ginagawa namin ng mga panahonna iyon.

Koi Grey - Hindi na niya kami nasamahan sa Tacloban, gawa ng may Karera siya ng Sabado, araw ng pagtulak namin pa-Tacloban. Salamat Kapatid, naipanalo niya ang Karerang nilahukan. Alay Para sa Tacloban. 

*** Grupong Nabuo mula Pasig Hangang Naga City.

si Yolanda - http://en.wikipedia.org/wiki/Typhoon_Haiyan

Mga Susunod:

YOLANDA: Tacloban, Pa-Guian Eastern Samar, preparasyon ng pagtulak pa Eastern Samar, ang nakakalungkot na Mukha Mula Tacloban biyahe patungong Guian Eastern Samar. Pag bibigay kahit papaano ng konting Pakete sa mga nadaraanan, mahal sa buhay ng isang miyembro sa Team at iba pa.

YOLANDA: Guian E.Samar patungong Homonhon Island, ang paghimpil ng Grupo ng ilang araw sa Guian E.Samar, ang pagtulong sa amin at pag ampon ng CARD Group na ang layunin din ay ang Tulungan ang kanilang kababayan, pagtulong at paghahanap ng masasakyan pa Isla ng Homonhon!






Para saiyo ito...
qlyyanina@kumander
impinidad

TIBOK ng PULSO KO

Salamat sa Diyos, higit sa Lahat...
Maligayang Bati Mahal kong Prinsesa...



Wala ako ng mga unang segundo at minuto ng masilayan mo ang liwanag, at ng unang mahanginan ang iyong malambot na bunbunan, narinig ang iyong unang iyak, at habang lumalaki ka, isang taon lang kita diretso nakasama, ng mga sumunod na mga taon ay minsanan na lamang kita makita, hangang dumating sa puntong, umabot ng ilang lingo at buwan, palagiang malambing na tinig mo lang at mga kwento sa kabilang linya ng telepono ang komunikasyon ang aking nasusumpungan. Ikaw ang PINAKA Mahalagang bagay ng nangyari sa buhay ko munti kong prinsesa, ikaw ang nagbibigay lakas sa mga gawain at mga pinapasok ko, sa pag hakbang ko, sa mga gawain ko, inaalay ko sayo mahal ko, ikaw ang PINAKA Matamis na bagay na nangyari sa akin. Naalala ko ang buong araw na tugtog sa loob ng kwarto mo habang ikay payapa at mahimbing na natutulog, ng ikay sanggol pa, (They Long To Be) Close To You by The Carpenters.

On the day that you were born the angels got together.
And decided to create a dream come true.
So, they sprinkled moon dust in your hair of gold,
And star-light in your eyes of blue.

Lumaki kang Maganda, Magalang, at Malambing, isang bagay na labis kong pinag papasalamat sa Mommy mo, bagamat hindi kami nag katuluyan, hindi ka niya inilayo sa akin, patuloy ang kanyang pagtuturo at pag aalaga sa iyo, at pinakilala niya ako bilang Tatay mo, hindi niya pinutol ang komunikasyon na lubos kong ikina sisiya. Muli Liz, Taos pusong Pasasalamat at Respeto!

Hindi maikakaila na Anak kita, hehe biruan ng mga Ninong at Ninang mo,at ng mga kaibigan at malalapit sa akin, sa lapad ng ating mga Noo, san ka pa! Sasagot paba ako? Isa Kang Biyaya buhat sa Langit na labis na nagtutulak sa aking humakbang, at mag patuloy sa mga pag kakataong akoy pinang hihinaan, at napapagod, isang malambing na tinig mo lang at isang panalong ngiti, napapawi na ang aking Pagod, Pighati at Problema! Mahal na Mahal kita Munti kong Prinsesa, dalangin kong Lumaki kang Malusog, walang kahit ano mang karamdaman o sakit, Magalang sa lahat ng taong nakaka salamuha, Mabuting Anak sa Magulang mo at Ate sa mga Kapatid mo, Apo sa mga Lola at Lolo mo, at lumaking May Takot sa Diyos ng Higit sa lahat.



Sadyang napaka bilis ng Panahon, Espesyal na araw mo ngayon, gaya ng hiling mo manikang Frozen at Relo, itinabi ko na at ibibigay sa iyo, Loom bands na iniiyak mong magkaroon meron na din ako. At ibang gamit na labis mong ikakatuwa. May Date tayo ngayong linggo, isang araw pagtapos ng Kaarawan mo, ang pangakong dadalhin kita sa Water World, ay itinama mo haha, napakamot noo tuloy ako! (Boom Panot!)

- Dadi Rowmel, Ocean Park po un, hindi po Waterworld -

Salamat Liz, at mahihiram ko si Yanina ng Hindi kasama ang nag aalalga sa kanya, huwag kang mag alala hindi ko naman ki-kidnapin ang Anak ko hehe.





 
 Minsan naiisip kong hindi ako mabuting ama, pabaya o ano pa man, lalo na ng hindi na kita halos makita, alam kong may pagkukulang ako, hindi man ako perpektong tao o ama, pero isa lang masisigurado ko hinding hindi ka nawaglit sa isip ko kahit isang segundo, hindi ko man maibigay sa iyo lahat ng luho sa mundo, isa lang sigurado ko Mahal na Mahal kita at ikaw ang nagbibigay sigla sa akin! Sa maliit na bagay na kaya kong gawin, ibibigay ko sayo Munti kong Prinsesa.

Larawan sa Kaliwa: Nitong Abril lamang ng Mahiram ko siya sa Kaarawan ng Pamangkin ko, Katabi ni Yanina, Si JM naka bughaw na polo.






Ang kasiglahan na pirming ipinapakita mo anak, sa tuwing tayo ay nag kikita, o mahiram sa maalaga mong Mommy, natutuwa ako ng labis, nawawala ang lungkot ko o kahit ano pa mang kalungkutan nadarama, ang patakbong palundag na yakap na ginagawa mo sa tuwing nag-kikita tayo ay labis na nag papasigla sa akin, sa ano mang bagay na ginagawa ko! Dalangin kong pirmi kayong nasa maayos na kalusugan, lalo na ang Mommy mo, ng sapat at maayos kayong mapalaki, at maalagaan kasama ng dalawa mong napa-kukyut mong kapatid sa Daddy Ewa mo. Isang Pasalamat at Respeto din sa kanya at napakabait at responsable niyang Ama sa iyo.

Sapat ng Dahilan para isuot ko ang ngiti sa aking labi, sa ano mang bagay na ginagawa ko, ikaw ang insiprasyon ko, tunay ngang isa ka sa mga babae sa buhay ko na pinag kukunan ko ng lakas, hindi man kita parating nakikita o nayayakap, alam mong ngayon lang ito, ipinapangako ko sa iyo na darating ang pag kakataon na mag kakasama tayo, at hinding hindi kana mawawala sa tabi ko, lagi mo lang tatandaan sa bawat gawain mo, sa mga sandaling nahihirapan ka, pinanghihinaan, o kailangan mo ng kausap, kaibigan o simpleng nais mo lang ngumit, mahal kong anak nandito si Dadi Rowmel mo, itataya ko ang lahat para sa iyo Munti kong Prinsesa . . . Maligayang Bati sa ika Pitong Taong Kaarawan mo Yanina ko!
Nandito ang Dadi palagi para sa iyo, PANGAKO. . .

Ikaw ang Tibok ng pulso ko mahal ko. . .


Para Saiyo ito . . .
qlyyanina@hakilina
impinidad