Takbo sa PICO, Para sa Kaibigan ko.

Salamat sa Lakas na pinag kaloob ng Lumikha.

pang tatlumpo at dalawa ako

Maganda ang simula ng mga unang saltada, ng paakyat na ng tuktok ng Pico, ayun kumagat na ang mag asawang daga sa magkabila kong hita, haha sayang talaga, hindi na-sustenihan ang lakas ng mga binti haha, pero ganun talaga parte ng kompetisyon at larangang aking napili yan eh! Pasalamat nadin at naging maayos ang tapos ko at lahat miyembro ng Team Maranat Trail Runners, at mga tumakbo ng araw na iyon. 

Personal na Inaalay ko ang Takbong ito sa aking kaibigan na may Breast Cancer. Kailan lamang niya natuklasan ito, na labis mong ikinahina, at ikinapayat, hiling mong wag kong bangitin ang pangalan mo, para sa iyo ito. Huwag kang panghinaan ng loob, hindi pa katapusan ng lahat, gaya ng bukambibig mo ng huli nating usap. Ito ay simula palang ng matapang na pagharap sa iyong karamdaman. Sundin si dok, inumin ang iyong gamot, sabihin mo sa pamilya mo yan, sa matalik mong kaibigan, sa kapareha mo sa buhay, at higit sa lahat humingi ka ng lakas at gabay kay Ama,  tibay ng loob at pananalig na ikaw ay gagaling, walang imposible.  Makipag usap ka sa kanya... Magdasal ka kaibigan ko, nadito kami para sa Iyo.

Katatapos palang ng nakakapagod at nakakaubos lakas na takbuhan, sa Ikalawang Parte ng Trilohiya ng Conquer Adventure Run. PDL42K at Bonifacio B10 Trail Run, sa Bundok Palay-Palay o Pico Deloro sa Maragondon, Cavite at (Nasugbu Batangas). Kasama ang Team Maranat Trail Runners na binubuo nila, Kap Edwin, Kap Bino, Kap Efren, Kap JhayR, Kap Roger at ako sa 42K, at sina Kap Jaime, Kap Mackie, Kap Melyn at si kumander hakilina ko sa 10K Trail run, hindi lang namin nakasama si Kap Marlon.

Team Maranat kasama si Idol Koi

Bulong ng Panalangin bago mag umpisa

Groupie muna, 15minuto bago magsimula.

Sa Tahanan ni Kap Mae-Mae, kasama Support Team

Taos pusong pasasalamat sa mga Kapatid Maranat na naging Support Team namin ng araw na iyon, hindi magiging posible ang lahat ng wala kayo, isang malaking parte ang naiambag niyo para mas lalo kaming ganahan. Walang katulad na Support Team, na pinagluto at hinilot ang pagal na kalamnan namin, bago at pagkatapos ng karera. Sa pangunguna nila Kap Charles, Kap Karisse, Kap Darzy, Kap John, Kap Iel, Kap Aras at Kap Rain (maingay siya hehe), at humabol pa si Kap Skyler. at sa aming Drayber si Kuya Jake.

At sa nagpatuloy at nagpatulog sa amin sa Maragondon, na naging instant pinsan naming lahat, pagpalain ka ni Ama, MARAMING SALAMAT po, Ma'am Mae-Mae o Jermine Malimban, isa kang Anghel sa Langit!  Pero talagang hindi bagay ang boses mo sa taglay na Ganda mo! hehe.

Team Maranat kasama Boss Jessie, Jigger ng Conquer

FOOTeek Runner, nagsama sama muli

Isang BIG TIME na pasasalamat sa Bumubuo ng TEAM CONQUER, SOLIDDD..! Sa matagumpay na pag oorganisa ng ikalawa sa trilohiya ng bersyon nila ng Adventure Trail Run. Mula sa mga marshalls, photographers, staff at mga Boss. DAGHANG SALAMAT, sa makulay at maka pulikat na takbuhan, at sa nag-gagandahang kuhang larawan.

Kumpleto na ang dala

Hindi ko pala abot!

Nagsimula ang konseptong bumuo ng Grupo ng Trail Runners sa Maranat, noong isang taon lang, huling lingo ng hunyo, ng maisama kong tumakbo si Kap Bino sa kauna-unahan niyang Trail Run, (50K Valley Trail Run) na ginanap sa Sta Rosa Laguna. Dalawa kaming tumakbo at nirepresenta ang Maranat, inalay ang Takbo sa isang kaibigan, kapwa mamumundok na may karamdaman (Colon Cancer), kasama ang apat sa Kapatid sa Maranat bilang Support Team. 

Kalaunan niyakap na ng tropa at kapatiran ang konsepto at ideya, ng maipalwianag ko at maipakita ko ang dahilan ng aking pagtakbo! Ngayon binubuo ng pawang mga Kapatid Maranat ang Team Maranat, na naniniwala sa aking layunin, ang hindi lang tatakbo para sa bagong gamit, hindi lang tatakbo para sa kalusugan sa katawan, bagkos tumatakbo ng may DAHILAN... at iyon ay pagbibigay ng INSPIRASYON...

Kap Jaime (1), Momikoi (19), kap Mackie (5)

Paakyat ng Tuktok ng Pico, kasama si Hakiro.

Hiramin ko lang ang isang pamosong linya sa TV Series na The Flash,  
"You need to believe what's impossible." 
Isang linya ni Iris Watson na kaibigang matalik na si Barry Allen (The Flash). 

Kailangay naniniwala ka sa imposible, saan? 
Na Gagaling ka sa iyong karamdaman, na matatapos mo ang isang mahirap na takbuhan, na maaakyat mo ang isang mataas na bundok, na malalangoy mo ang isang maalon at malalim na dagat, na malulutas mo ang isang napakahirap na problema. . . 
Dahil, 
"Walang Imposible" - lukas 1:37.


Marso a-kinse, petsang hindi makakalimutan ng ilan, lalo na ng Team Maranat, dahil sa mga Blessing na dumating at nasumpungan, isang malaking pasasalamat sa nag isponsor ng aming damit na ginamit nung karera, Kap Avi Branola, Kap Charles, sa disenyo ng shirt kay Kap Kulot ng PDM, sa Team Subi-Monte sa nag-tatak ng shirt namin.

Si Hakiro sa Tuktok ng Pico.

Si Kumander sa 10K, ako sa 42K Salamat Ama.

 
Inaalay ng Team Maranat ang aming Takbo, unang una sa nag hihingalong Bundok Maranat, dalangin ko sa dami ng pumapanik na dito, makasama namin kayo sa Tahimik na adhikaing, pag-papanumbalik ng kagubatan, sa pagtulong sa mga lokal na Dumagat ng Sierra Madre, at pag bibigay Inspirasyon sa mga nanghihina. Pangalawa sa aking kaibigang may Breast Cancer, gagaling ka, walang imposible. Panagatlo sa aming mga mahal sa buhay, pamilya at Kapatid Maranat. Sa aming pangnalawang Tatay sa Bundok Maranat . . .
Tatay Nestor, para po sa inyo ang lahat ng ginagawa namin...




"Run More, Run Safe. . .
"Run for a REASON . . .
" WE RUN to INSPIRE . . ."
        - Team Maranat Trail Runers





Para sa iyo ito, ngumiti ka palagi!


Sa iyo Ama ang lahat ng kaluwalhatian. . .
qlykumaderhakilina&yanina
impinidad

 

PITO sa SAMPO ng Pinas

Salamat Ama sa Lakas at Buhay na Ipinagkaloob. . .

Walang Imposible sa Ama

Sa maraming aktibidad sa buhay, maliban sa pagpasok gabi-gabi sa isang BPO Company sa Ortigas, na ngayoy nalipat ng Makati, mas pinili kong magkaroon ng Day-off ng weekend, sabado at linggo para sigurado, hahaha makapag Organisa ng Pag akyat ng Bundok, Climb for a Cause, kung mayroong Run for a Cause na sasalihan at iba pa... Mas nauna kong pinuntirya ang 10 matatas na Bundok ng Pilipinas, dahil ito ang isa sa maraming dahilang nagbibigay sa akin ng Kasiyahan. Itinuturing ko itong Achievments sa akin, hindi naman po lahat ng nilalang ay nabibigyan ng gantong pagkakataon. Bukod sa makita ang GOD Given Nature, makakita ng ibat ibang uri ng puno (matatayog, malalaki, at maliliit), mga halaman, ibat-ibang bulaklak, kakaibang insekto at hayop, ibat-ibang rock formations, kakaibang ilog, matataas at malamig na Talon o Falls. Ang Nakaraan at Pinaggalingan ng Pangalan ng Bundok o Lugar, malaman ang ibat-ibang Tribo, mga gawi at paniniwala ng lokal, at mga nakagisnang kultura na dapat irespeto, pagyamanin, ingatan at alagaan.

ga-mustasang pananalig

Sinasabing sila ang Bubong ng Pilipinas, sampong nagtata-asang bundok ng mahal na bansa. Nag simula ako ng pag-akyat ng bundok, gaya ng karaniwang dahilan ng mga bagong mamumundok sa ngayon, ang ligtas na makaakyat, basta makita ang tuktok, mag pa litrato at ligtas na makababa. (yun nga ba ngayon ang dahilan nila?) Wala pa sa kamalayan ko ang tungkol sa hirap ng pag-akyat dito at ibang kalagayan kadahilan na dapat ikonsidera. 

Lumaki ako sa hindi katolikong pamilya, nag aral at grumadweyt ng hayskul sa isang katolikong iskwelahan. Salamat Anti Lulu na siyang sumoporta at nagpaaral sa akin, sa amin 3 magkakapatid. Dahilan sa lahat ng gawain ko, dahilan kaya sa lahat ng Akyat ko, lagi akong bumubulong ng dasal, na patnubayan at iligtas ako, sa tuwing adbentyur ko sa kabundukan. Na mai-parating namin ang mga paketeng tulong sa mga lokal o katutubo ng kabundukan, na walang injury o panganib sa bawat akyat at takbo ko. Na bigyan ako ng lakas sa bawat hakbang, lundag sa Trail sa takbong alay na ginagawa ko. Maging ligtas, maayos at tagumpay ang bawat aktibid. Salamat sa Diyos...

Ibabahagi din sa Iba.

Pito sa Sampu ng sinasabing bubong ng Pilipinas ang matagumpay ko pong naakyat, sa tulong ng aking Inang Grupo na XTMSi (Xtreme Trekker Mountaineering Society inc.). Napabilang ako sa grupong ito nong 2011 lang. Ika-labing dalawang taon na ng grupo ito nunng Enero 30,2014 opisyal na nai-rehistro sa SEC ang grupo, bilang Non Profit Organizations. Bagamat Disyembre ng taong 2002 sila nagsimulang Pumanik ng Bundok. Tatlo nalang po ang kailangan kong maakyat para makumpleto ang Sampung Matataas na Bundok ng Pilipinas, una sa listahan ay ang puma-pang lima - Bundok Kalatungan, parte ng kalatungan range sa Bukidnon, gitnang bahagi ng Bukidnon. Si pang-pito - Bundok Ragang (Bundok Piapayungan), parte ng Piapayungan Range, sa Lanao del norte, kilala sa katawagang "Ragand" o Blue mountain. At si pang-walo - Bundok Maagnaw, parte ng Kitanglad Range sa Bukidnon, mga kakaibang halaman at ibat-ibang Tribo. Mananatili silang nasa bucket List ko sa Taon ng 2015. Harinawa maakyat ko sila at makumpleto ngayong taon, kasama ang aking Inang grupo o iba man.

The 10 HIGHEST MOUNTAIN IN THE PHILIPPINES:

Rank	Mountain	Elevation (meters)	Location	Climbed	Team/Group
1	Mt. Apo / Kidapawan Trail	2956 m	Davao and North Cotabato	Oct2012	XTMSI
2	Mt. Dulang-Dulang	2938 m	Kitanglad Range, Bukidnon	Aug2013	XTMSI
3	Mt. Pulag	2922 m	Cordillera Range, Benguet	Jan2013	XTMSI
4	Mt. Kitanglad	2899 m	Kitanglad Range, Bukidnon	Aug2013	XTMSI
5	Mt. Kalatungan	2860 m	Kalatungan Range, Bukidnon	cebtral Prt	of bukidnon
6	Mt. Tabayoc	2842 m	Cordillera Range, Benguet	Dec2012	XTMSI
7	Mt. Ragang (Mt. Piapayungan)	2815 m	Piapayungan Range, Lanao del Sur	Ragand	Blue Mountain
8	Mt. Maagnaw	2742 m	Kitanglad Range, Bukidnon	various p	tribe scary
9	Mt. Singakalsa (Timbak)	2717 m	Cordillera Range, Benguet	Dec2012	XTMSI
10	Mt. Amuyao	2702 m	Cordillera Range, Mt. Province	Feb2015	EWOC/UGAT

"Climb Safe, Climb More,
Climb for a Reason . . . WE Climb to Inspire . . ."
                                           - XTMSi, SK, KM

"Never Stop Helping People from the Mountain. "
                                                     - TAGOT



Aktibong Miyembro ng:
Xtreme Trekker's Mountaineering Society Inc. (xtmsi) - (SEC NO. : CN 200302147)
Omeng Sandoval x-057 infinity ( bundokerongmananakbo )
Sagip Kagubatan
Kapatid Maranat


Sa iyo Ama ang lahat ng kaluwalhatian. . .

Maging RESPONSABLENG Mamumundok lang po tayo. . . 
"Don't Let our Forest become
 once upon a time!"


qlyyanina@hakilina
impinidad